Apreciabel coleganan,
Dia 29 y 30 di maart a tuma luga na nos laboratorio microbiología medico otro audit di Conseho di Acreditacion pa loke ta NEN-EN-ISO 15189. E audit a pasa bon.
Auditornan di e Conseho di Acreditacion a felicita nos pa e desaroyo positivo di nos sistema di calidad unda cu despues di mas di 4 aña a logra pone un base solido pa un servicio confiabel c uta cumpli cu e exigencianan halto di calidad: e teamleider a papia di un sistema di calidad ‘madura’.
Ya caba nos a cuminsa traha riba un paar punto di mehoracion cu e audit a trece cune. Nos lo sigui traha duro riba nos calidad halto y sigui mehora nos servicio.
E sistema di calidad actual ta ofrece nos lab un base solido pa expande riba nos tareanan diagnostico y unda cu nos por sigui traha riba servicionan nobo y inovativo.
Nos ta desea di gradici cada un di boso cu sea directo of indirecto a contribui pa asina nos por a logra.
Pasobra…solamente como team nos por realisa esaki! Masha danki!
Audit Microbiologie LABHOH
